Salamun əleykum və rəhmətullah.

Norveç şirkəti hicaba icazə verib

Norveçin ərzaq məmulatları şirkəti “Nortura” noyabr ayının 6-sı bu şirkətdə çalışan müsəlman qadınların hicabla işə gəlməsinə rəsmən icazə verib.
Əl-ərəbiyyə saytının məlumatına əsasən Nortura şirkəti elan edib: Müsəlman qadın işçilərin hicab bağlamasına razılıq ilk dəfə bu şirkətdə həyata keçiriləcək və bu təbəqənin öz dini mərasimlərini həyata keçirmələri üçün azad şəraitin yaradılması da şirkət rəsmilər tərəfindən nəzərdə tutulur.
Nortura şirkətinin əlaqələr şöbəsinin müdiri Nina Sundqvist bu barədə deyib: Şirkətin müxtəlif təbəqələrə mənsub olan işçiləri üçün münbit iş şəraiti yaratmaq olduqca mühümdür.
O əlavə edib: Hazırda biz, Notura şirkətində işləyən müsəlman qadınlara xüsusi paltar hazırlamaq istəyirik ki, həm onların dini əqidələrinə həm də lazımi gigiyenaya tələblərinə uyğun olsun.
O axırda qeyd edib: Bu şirkətdə 7000 işçi var ki, onların 20 %-i milliyyətcə norveçli deyil və 7 müxtəlif millətə mənsubdurlar.
Norveçin islam təşkilatı da, bu ölkənin ən ali islam qurumu olaraq Nortura şirkətinin bu addımını alqışladığını bildirib.http://islammektebi.org